اللى متغاظة من اخوها تعمل كدة

اللي متغاظه واللي عايزة تنتقم واللي عايزة ترفع ضغط اخوها

اللي متغاظه واللي عايزة تنتقم واللي عايزة ترفع ضغط اخوها(وال مش معاها اخ ربنا يرزقها بجوز تتطبق عليه النصايح دى)

عموما يلا اتبعوا الخطوات دى والله يقويكم


*عند التلفزيون



لو كان فيه ماتش والأخ متحمس تقطعي الحماس ده
ازاى ؟؟أنا اقلك

شوفي إذا لقتيه مركز اوي يعني لو تجيبي صاروخ وتفجريه قدامه

مايخدش باله اعرفي انه منسجم,هنا بس تقومي بشغلك

وتعملى نفسك بنت نظيفه >>>>يعنى( اعتبري نفسك كده)
وروحي جيبي قطعة قماش وبخاخ للتنظيف واوقفي عند التلفزيون

وامسحي الشاشه ومتدهوووش فرصه يشوف كويس

امسحي من قلبك ..بس انتبهي تخربي الوان التلفزيوزن ويبقي

تلفزيون ايام زمان (ابيض وأسود)

لو قال ابعدي ..قولي مش فاضيالك بنظف وامسح ,وبعدين روحي جيبي المكنسه

وأكنسي المكان الي هو فيه وبين لحظه ولحظه اكنسي قدام التلفزيون

وغطي عليه ولايهمك حد

إذا قال ابعدى لارميكى بالكوبايه ..قولي حيجيلنا ضيوووف ولازم انظف

لو جايين يخطبوكي متعمليش كدة طبعا


المهم العبي عليه حتى لو مش جايلكم حد,ولا اعملى نفسك
قاعده وفجأة افتكرتى ان الكيكه في الفرن وممكن تكون اتحرقت

نطى لغايه ما توصلي للفيشه وشديها برجلك وماتبصيش وراكي >>>


*عند النوم



لو كان اخوكى مضايقك اوي ومش عارفه تنتقمى وهو صاحي نكدي عليه نومه ازاى ؟؟

دخلي عليه العيال اللى في البيت (لو معندكمش عيال) معلش عيال الجيران يسدوا
واقفلى عليهم الباب وخليهم يلعبوا بغرفته

وينطووو فوق راسه ...طبعا انتى عارفة ان الأطفال أحباب الله ولا ايه؟؟!!!!!!


*إذا المزاج صفر



أذا شفتيه مش رايق ومقفله معه متخافيش بالعكس دى فرصتك لتنتقمي منه يعني خلي دمك ثقيييييييل بالهزار

بس خلى بالك في اللحظه دى راقبي حركات ايده

يعني ممكن يرمى اى حاجه قدامه في وشك

المهم اضحكي على شكله او على لبسه

هو حيقولك على فكرة انا مش فايقلك امشي من قدام وشي

انتي متسكتييييش ولايهزك حتى قولي وبكل بجاحه وثقه وإذا مامشيتش حتعمل ايه ؟؟

هوا بقي حيقوم ويوريكى حيعمل ايه انتي بقي اجرى لغايه ما توصلي

لغرفتك وبصي وقوليله ههههههههااااااي أهم حاجه قومتك من قعدتك

عادي ...عادي حتى لو بقيتى طفله فيها ايه ؟؟ أهم حاجه تحقيق الغايه
وهيا الانتقام


*وقت المعركه



لو جه يوم وعايزة تتخانقى انتى واخواكى لازم تجهزي نفسك من كل ناحيه

(بس دى جامده شويه ماانصحكمش بيها بس الي عايزة تعمل فيها بنت راجل براحتهاااا)

1..اللبس لازم يكون ترنج عشان يسهل الجرى

2..الشعر لازم تلميه وحطي أنواع التوك والبنس علشان ميكونش نقطه ضعفك

وخلى بالك ولاشعرايه تنزل منك وياريت في اليوم المشؤوم تكوني حاطه في شعرك

حناء عشان مايتجرأش ويلمس شعرك >>>>>

3 مفتاح الغرفه يكون معاكى الاحتياط واجب

إذا بدت المعركه حطي راسك براسه وماتبينيش انك خايفه منه

وخليكى واثقه في نفسك وقوليله عايز ايه

هوا هنا طبعا ما حيصدق ويقول هوا ده اللى انا عايزة طراااااااااااااااااااخ انتى بقي متخفيش

,اوعى تستسلمى اديه بووووووووكس على عيونه الاتنين

علشان مايشوفش الطريق وشيلى رجلك

على طول لغرفتك الي مجهزه مفتاحها من قبل

وقفلي عليك ويادار مادخلك شر

بس نصيحه أقعدي يومين ماتشوفهوش ولايشوفك لانه بينتقم لكرامته

وبيوريك نجوم الليل في عز الظهر( مع انك معملتيش حاجه تستاهل بس هما كده
بيزعلوا من حاجات بسيطه)

بس الي عايزة تطبقها وحصلها حاجه من دلوقتى أنا ماليش دعوه

ومحديش يجيب سرتي

طبقوا النصايح وابقو قولولى يا بنانيت حصل ايه

يلا بلا باى