جيت المكان .. ورحب الصمت فينـي
...................... وآستوحش الأطـلال منـي . ونـاداك
لولا غلا ذكـراك .. ماشفـت عينـي
...................... تبكي كمـا دمـع السحابـه . وتنعـاك
آيـام تحسبنـي بحسـبـه سنيـنـي
...................... وأخيل بارقهـا .. علـى مـدّ ذكـراك
تعصف بـي آمـواج الغـلا وتغطيـنـي
...................... عن نظـرة العـذال .. ياحـر لامـاك
تشربنـي اهمومـي . ولاترتويـنـي
...................... وأعود لك عطشان .. وأشربك وأضماك
آحتاجلك وإن جيت .. ضيعـت وينـي
...................... آلقاك فيني نوب .. وآحيـان ماألقـاك
آحيان آشوفـك بيـن جفنـي وعينـي
...................... وأغمض عيونـي علشـان ماأنسـاك
وتصير في جفنـي وعينـي سجينـي
...................... وآحرمـك مــن ذولا وذولا وذولاك
وآحيان آحسك وألمسـك فـي يدينـي
...................... وآحيان آضيّع درب رجلـك ومسراك
تدري وش اللي في غيابك يجينـي؟!!!
...................... صفير رايح .. وقرعة الأرض بخطاك
موضوع: تدرى وش اللى فى غيابك 
الخميس يونيو 10, 2010 6:02 pm
