" بعد اللي راحت " اهداء الي ـآختي سـومهـ عادل

كل يوم بيعدي عليا
وانتي عنيكي مبتشفهاش عنيا
بنسي كل الدنيا ديا
وافضل وحدي بفكر فيكي

كل يوم سرحانه وهايمه
في لهفتي وشوقي ليكي عايمه
مبنسكيش حتي وانا نايمه
علي طول عقلي مشغول بيكي

وبالكلام دنا انا بفتكرك
واحس حاجات اكتر من اكتئاب
اوقات ببص فصورتك
واضحك ع نفسي بكلام كداب
وياريتها ارتـآحت

بمشي فشارع مش شايفه اخرهـ
ليلي مبقتش لاقيـه سـحرهـ
عمري يومه بقي زي شهرهـ
بعد اللي راحت

ماهي كانت مش مجرد بنت
صاحبه صديقه ام واخت
عايشه فتره وكأني اتيتمت
بعد اللي راحت

مبقتش واخده بالي .. انا ايه بيجرالي
وبجد موجوعه

قال وكنت مفكره .. الدنيا دي مسكره
وطلعت مخدوعه

الدمعه عيشاني .. والأه علي لساني
بقولها مسموعه

لما راح حضنك .. بقيت انا بعدك
ورده مقطوعه

وبالكلام دنا انا بفتكرك
واحس حاجات اكتر من اكتئاب
اوقات ببص فصورتك
واضحك ع نفسي بكلام كداب
وياريتها ارتـآحت

لا ناس ولا ذكري .. هتعوضني ع فكره
انتي وحشاني

احساسي معاكي غير .. ولو حوليا كتير
دنيتك واخداني

علي بالي حاجات .. احلام وامنيات
رسمتيها علشاني

اوعدكـ ابنيها .. واحـزاني اخليها
قوتي وأماني

وبالكلام دنا انا بفتكرك
واحس حاجات اكتر من اكتئاب
اوقات ببص فصورتك
واضحك ع نفسي بكلام كداب
وياريتها ارتـآحت

وقلبي بجد بقي ع اخره
وعقلي مش مرتاح من فكره
واديني عايشه لحمد ربي وشكره
علي اي اقدار كانتـ

... بعد اللي رـآحتـ

______________________________

يارب يارب أكون وفقت في احساسي وكلامي

واهدائي ليكي سومهـ .. وكلامي عن اختك

يارب اكون وفقت ولو للحد الأدني

صدقيني حاسس بيكي وحبيت اشاركك احساسك

يارب تقبليها وتحبيهـآ ... وتقوي وتخديها

ولو تحبي احتفظي بيها ويشرفني اكيد دوت

بقلمي

ـآخوكي >> محمد الغريب

تسلم ايدك واحساسك يامحمد
وربنا يرحمك اختى اية ويسكنك الجنة ونعيمها باذن الله

بجد كلمات رااااائعه واحساسك عالى محمد
تسلم ايديك اخى
والله يغفر لا اختك حبيبتى سومه ويفغر لها ويسكنه جناته
تقبل مرورى اخى محمد

ماهي كانت مش مجرد بنت
صاحبه صديقه ام واخت
عايشه فتره وكأني اتيتمت
بعد اللي راحت

بجد احساس جميل والكلام دة حقيقى واللة يامحمد
جميل ودا اللى بيحصل يارب يدخلك الجنة يااحلى اية
بالدنيا كلها ونور قبرك اللة
وتسلم ايديك يامحمد وتسلم على هذا الاحساس الجميل دة

soma adel كتب:: ماهي كانت مش مجرد بنت
صاحبه صديقه ام واخت
عايشه فتره وكأني اتيتمت
بعد اللي راحت

بجد احساس جميل والكلام دة حقيقى واللة يامحمد
جميل ودا اللى بيحصل يارب يدخلك الجنة يااحلى اية
بالدنيا كلها ونور قبرك اللة
وتسلم ايديك يامحمد وتسلم على هذا الاحساس الجميل دة

الحمد لله انها عجبتك يا سومهـ

ويارب اكون قدرت اوصل بأحساسي ليكي

ولكل اللي يقراها .. وبأذن الله كل الخير ليكي دـآيمـآ يارب

وربنا يرحمها يارب وتشوفيها في الجنه ونعيمها

ولو احتجتي اي حاجه في اي وقت اخوكي تحت امرك

والف ميرسي أختي الغاليه ملاك برئ .. وـآختي الغاليه ملك

وكده بقي اشوفكم ÷ خير

سلام .. في امان الله

الله عليك يا محمد رائعه بجد
وكلامك بجد مليان احساس وصلني
زي ماكيد هيوصل يقراء الكلمات دي
عينيه دمعت من كلامك
ومش عارفه اقول ايه ثاني غير
تسلم ايدك
ربنا يرحمها ويدخلها الجنه

» اهداء الى مصطفى كامل
» اهداء من القلب لاختنا .........
» محمد هنيدى ربا الخفيف لغاده عادل
» اللي دخل كهف الهوى لابد انه ينحنى