عفوآ سأخرج ما فى قلبى

السلام علبكم ورحمه الله وبركاته
يمكن هعمل توبيك هوضح فيه شويه حاجات بس صدقونى د حاجات مهمه
ولاول مره هكشفلكم اسرار لاول مره تعرفهوها
اه هطول عليكم فيها بس ياريت تستحملونى لانه كلام يهمكم جدآ
طبعا يمكن قولتلكم انى الحمد لله نولت شرف انى كلمت مصطفى كامل
وقولتلكم اد ايه هو انسان محترم ومتواضع جدآ وفوق الخيال
اول الاسبوع اللى فات حصلت حاجه غريبه انا بجد استغربتلها كان يوم الاحد الفجر
لقيت الاستاذ الجميل حسين شمعه اللى هو رئيس تحرير برنامج الوسط الفنى بيكلمنى على الموبايل
قالى يا نور مصطفى كامل معانا فى الحلقه اللى جايه ان شاء الله والحلقه هتكون فى العيد
وقالى عن قصته مع مصطفى كامل واد ايه مصطفى كامل كان نقله فى حياته
وصلت بحسن شمعه من حد مش معروف نهائيا لصحفى عرف كل فنانين مصر
وعمل معاه صداقات وتخطى بعمله ده ناس قديمه فى الصحافه وهو ما زال شاب قادر على كل العطاء
وقال انه بيحب مصطفى كامل جدآ
قصه بقى الحاجات الحصريه اللى كنت بجيبهالكم فدى ناس قريبه مصطفى كامل هما مين بقى مش مهم
والناس اللى كانت صدرى دى هى كانت السبب انى اوصل ليه واكلمه
نرجع بقى لحسين شمعه والمكالمه مسجله عندى يعنى عشان لو فيه حد مش مصدق
قولتله هو ممكن اشارك فى اعدا الحلقه دى معاكم قالى اكيد
بصراحه انا فرحت وقولتله طب انا اعمل ايه وجهنى بس
قالى بص يا نور احنا هنحتاج اسئله وعايز منك تصاميم لمصطفى كامل على علم مصر عشان البرومو
وقالى عايزك تبدع فيهم قولتله تمام
وقالى لو عايز تحضر الحلقه تعالى قولتلته انت بتتكلم جد قالى اه والله تعالى وملكش دعوه
قولتله الاستوديو فى 6 اكتوبر صح قالى صح قولتله بس انا من البحيره
قالى يآه خلاص يبقى انت هتدخل مداخله تليفونيه فى البرنامج قولتله ياريت
طبعا منمتش الا اما حضرت الاسئله والتصاميم بس فوجئت ان التصاميم على علم مصر لازم ببدله
وطبعا مفيش صوره لمصطفى كامل ببدله الا فى دقت الساعه وكان طاش عملها فمينفعش انا اكرر
المهم الاسئله كلها اتكتبت وبعتها لحسين شمعه مع طبعا حفظ الالقاب لاى حد هيتقال اسمه
الراجل كلمنى بعدها وقالى تمام وشكرنى اوى
ويوم التلات لقيته بيكلمنى قبل الفجر على طول قالى يا نور انا عايز السيره الذاتيه بتاعته ضرورى
هتقدر تجيبهالى وانا عارف انك ادها قولتله هنزل اصلى الفجر وهترجع تلاقيها عندك
كتبتهاله وبعتهاله والراجل رجع اكد عليا انى داخل مكالمه تانى قولت ماشى
وده كان نص السيره الذاتيه اللى بعتهوله وهما كانو عايزين البدايات بس
والكلام ده اتقال يا جماعه فى اول الحلقه فى تقديمه مصطفى كامل للجمهور بتاع البرنامج

اسمه : مصطفى كامل السيد عبد المعطى
مؤلف وملحن ومطرب وممثل ومنتج
اب لثلاث اولاد فتحى وفرح ونور
ولد فى 22 / 8 / 1970 بحى مصر القديمة بمدينة القاهرة ولكنه يعشق الاسكندريه درس بكلية التجارة جامعة القاهرة كان يكتب بعض الخواطر اثناء دراسته الجامعية والتى رأى فيها زملاؤه موهبة شعرية فكلفوه بكتابة أغانى لمسرحياتهم ثم كتب أغنية( امشى ) للمطرب أمين سامى ، واغنية ( ذكريات ) للمطرب حلمى عبد الباقى ، واغنية ( ولادمعة ) ، اغنية ( تعالى ) للمطرب / خالد عجاج وحقق شهرة ونجاحا كبيرا فى تأليف الأغانى – ثم توالت اعماله الناجحة فى تأليف الأغانى للعديد من المطربين والمطربات والتى حققت نجاحا كبيرا وشهرة واسعة له – ثم دخل مجال التلحين فأعد الألحان الناجحة للكثير من الفنانين .
حقق نجاح كبير كشاعر مع كثير من المطربين المشهورين جدا واصبح الشاعر الاول فى الوطن العربى بفضل موهبته الخياليه
اصبح مكتشفا لمواهب كثيره اثارت الغناء فى مصر مثل بهاء سلطان وحماده هلال ورحمه واحمد كامل وغيرهم

عرض عليه الكثير من المنتجين فكره الغناء ولكنه كان يقابلهم بالرفض الى حين اقتناعه بهذه الخطوه بعد تشجيع كثير من الفنانين على رأسهم محمد منير.
- ثم بدأت موهبة الغناء عليه عندما شجعوه زملاؤه من المطربين على الغناء – فسجل اول البوم غنائى له من تأليفه باسم ( طول الوقت ) وحقق نفس النجاح المأمول منه .ثم البوم رحله عمرى الذى حقق اعلى مبيعات فى الوطن العربى فى هذه الفتره واختيرت اغنيه رحله عمرى كأفضل اغنيه فى هذا العام واستمرت رحله النجاح وكان عدد البوماته 11 البوم اخرهم البوم 3 مرات + البوم سنجل وهو دريم 1+ اوبريت حكايه فى حمله الادمان مع الداعيه الاسلامى عمرو خالد والذى شارك فيه مصطفى كامل وهانى شاكر ومجد القاسم وايهاب توفيق واحمد كامل وبشرى وسميه ومحمود الليثى وكان من تأليف مصطفى كامل
ومن اعماله السينمائيه فيلم قشطه يابا الذى لاقى مصاعب كثيره ولكنه نال استحسان الكثير عند عرضه فضائيا
واخر اعماله كشاعر مع هيفاء وهبى بأغنيتين هما بابا فين وماما واللى حصل عليهم خلافات كبيره بين مصطفى وهيفا وكذلك غضب من النوبيين

اخيرا اتخذ قرار الاتجاه السياسى وترشيح نفسه لمجلس الشعب عن دائره مصر القديمه
مصطفى كامل منورنا

زطبعا ده نص الاسئله اللى متقالش منها اى حاجه الا عن مشكله فؤاد وانه يغنيلنا مقطع من الالبوم الجديد

-كل سنه وانت طيب وعيد فطر مبارك عليك وكمان كل سنه وانت طيب بمناسبه عيد ميلادك ويمكن جات متأخره شويه وكان ميعادها يوم 22/8

-ازاى خطر فى بالك فكره الترشيح لمجلس الشعب ومين حفزك على الطوه دى وشايفها صح؟

-قولت لو نجحت فى الانتخابات هتعتزل الفن ولو منجحتش هتكمل بالسهوله دى ممكن تحرم جمهورك منك؟

-قرارك ده خلا البعض يتكلم ان اللى يهم مصطفى هو الفلوس وهو مش بيحب شغله اد الفلوس يعنى لو دخلت مجلس الشعب اهو فلوسه كويسه ولو مدخلتش هتكمل فى شغلك الفنى تعليقك؟

-لو منجحتش فى دخول الحزب هتكمل مشوار الانتخابات؟

-البومك اتأجل للمره التانيه على التوالى واتخلف عن ميعاد كل سنه ليه؟

-اسم الالبوم لحظه حب ولا فى تغيير وهتسمعنا ايه حصرى منه؟

-اتعاملت بردو مع شعرا تانيين فى الالبوم وهو نصر الجيل ليه فى البوماتك الاخيره واخد الخطوه دى؟

-الدعايه لالبومك بتكون ضعيفه جدا بتفكر تقويها للالبوم الجديد؟

-اوبريت حكايه عمل ضخم شاركت انت فيه وهانى شاكر وايهاب توفيق ومجد القاسم واحمد كامل وسميه وبشرى ومحمود الليثى شايف ان العمل ده اتظلم وخصوصا ان ناس كتير مشافتوش وكانت قناه فضائيه واحده هى اللى مهتمه بعرضه وكانت لسه فى بدايتها ومش متشافه وهى قناه اوسكار دراما؟

-بتقول كلام كتير مش بتنفذه زى انك هتصور اغنيه ارجع بقى واجمل سنين العمر ووحشتنى وكمان فيلم رحله نور اللى بقالنا خمس سنين سامعين عنه ومتصورش منه ولا مشهد تعليقك؟ "معايا دلائل بكلامه ده لو محتاجها"

-ثقتك فى شريف حمدان وقصه التعاون الكبير والكتير ده هى ايه؟

-اكتر البوم ليك حقق مبيعات؟

-اقرب اغنيه لقلبك؟

-شايف انت لو فى بلد تانيه كنت هتتقدر اكتر من كده وخصوصا بموهبتك دى مطرب ومؤلق وملحن وممثل؟
يعنى انت فى البلد الغلط؟

-احمد كامل صوت احساس هنسمعه من تانى امتى؟

-ليه معندكش موقع الكترونى او حاجه رسميه ليك على الانترنت الناس تعرف منها اخبارك الصحيحه بدل الفبركه؟

-مين من الفنانين تحسه لما بيغنى بأسلوبه كده انه مصطفى كامل؟

-عندك اعمال كشاعر الفتره اللى جايه دى ومع مين؟

-امتى هترجع مصطفى كامل الشاعر بتاع زمان؟

-مين الافضل؟
افضل شاعر
ملحن
موزع
مطرب

-فؤاد اتصالحت معاه ولا الخبر انكم اتصالحتم اللى نزل مش مظبوط ورأيك فى اغنيه ابن بلد اللى عملها مرتين فى البومه الاخير؟

-اتحاربت كتير وكنت اقوى من الايام جبت منين الاصرار على النجاح والقدره على الصكود؟

-وسط هيصه الاعمل الرمضانيه تابعت ايه وايه اللى عجبك؟

-رأيك فى حال الوسط الفنى الايام دى؟

-هتتخلى عن جمهورك؟

-وجه رساله للناس اللى بتحب مصطفى كامل.

ارجو يا استاذ حسين انى اكون قدرت اوفق فى الاسئله دى
بالتوفيق يا استاذ حسين

وطبعا كل تعبى وسهرى ده ما اترجمش الا فى سؤالين بس زائد السيره الذاتيه
قولت مش مهم واللى جاى بقى تعرفوه
والبرنامج شغال لقيت طاش بيتصل بيا قالى يا نور حضر نفسك حسين شمعه بيقولك انت داخل على الهوا
قولتله يا محمد انا اتصل ولا هو يتصل قالى لأ هو هيتصل بيك
وسر بقى قبل الحلقه ما تشتغل والله ما كنت عايز اعمل مداخله
بس لما الحلقه اشتغلت وسمعت كلام مصطفى اتحرق دمى وكان نفسى اشارك
طبعا محدش من البرنامج اتصل لأن هما اخدو اللى عايزينه هيخلونى ادخل ليه
وعايز اقولكم انا كان نفسى ادخل اقول ايه
بس اما اقولكم رأيى فى الحلقه انها سقطه من سقطات حلقات الوسط الفنى
لانها لم يكن لها اى داع بالفن كنا ممكن نغير اسم البرنامج او الحلقه دى بالوسط السياسى
واللى يقهر بقى فى الحلقه دى بجد لما مصطفى جه يغنى رحله عمرى
مصطفى زى ما يكون مستعر وهو بيغنيها يا جماعه انا بقيت اضرب كف على كف
واهلى كانت كلمتهم يابنى في ايه مش ده حبيبك وشغال اهو عايز ايه تانى وهما مش فاهمين انا بعمل كده ليه
اللى استفدناه من حلقه مصطفى كامل فنيا انه اتصالح مع فؤاد وده كان خبر نازل وعارفينه بس اهو زودنا تأكيد
تانى حاجه زى ما قولتلكم لو فاكرين متستغربوس لو مصطفى كامل غير اسم الالبوم وقولتلكم انه بيخير بين اغنيتين
بين اغنيه لحظه حب وبين اغنيه كمان وهى كانت استحملت كتير من كلمات نصر الجيل والحان محمد ضيا
هقول بقى انا كنت عايز ادخل اقول ايه قبل البرنامج مع انى مكنتش عايز ادخل كنت هقوله
السلام عليكم كل سنه وانتو طيبين بس لمصطفى مرتين وده عشان عيد ميلاده
وان احلى هديه قدمتهالنا قناه الفراعين هى انها جابتلنا مصطفى كامل فى يوم عيد
عشان يكون العيد عيدين وكنت هقوله بلسان كل اللى بيحبوك وان كان السلام امانه
فكل سلامهم ليك وبعتينلك كل القبلات على جبينك احتراما وتقديرا لفنان احنا حبيناه واحترامه سبقه
وكنت هقوله ارجوك تفكر فينا واننا هنسمع مين لو انت اعتزلت لان الفن عندنا هو مصطفى كامل

لما بقى اتفرجت على الحلقه ولقيت مصطفى كامل بيتكلم عن موضوع حفله الاردن و90 الف فى الاستاد
وبيغنوا رحله عمرى من اول الحانها وان الحفله دى حضرها ملوك وناس مهمه جدآ
واما مصطفى بكى وعيط عشان حس بحب اهل دايرته
انا سبت كل الحلقه وركزت وكنت عايز ارد على الكلام ده كان نفسى اعلق بكلامى
مصطفى كامل هى حفله زى حفله الاردن دى متشفعش انك مينفعش تسيبنا وتبعد عن الفن
كنت هقوله دول اللى حضروا فى الاردن ودول مش كل عشاقك اللى حضرو ده لو اتكلمنا على الاردن بس
مفكرتش فى الناس دى ولا بقيه الدول ولا فى بلدك مصر
بكيت عشان حسيت بحب اهل دايرتك اومال لو شوفت دموعنا عشانك انت بس
بكينا عشان سمعنا بس انك عايز تعتزل صدقنى لو شوفتها دموعك دى لو بحر فاضى هتملاه
عشان هتحس اننا اد ايه بنحبك
ده اللى كان يهمنى مع تزويد حاجات مش مهمه
طبعا زى ما انتو عارفين انى مدخلتش ودى بعتبرها انها ضربه على قفايا مش هنساها نهائى
لما كنت بقولكم ادخلو رشحوا مصطفى كامل كنت بقول من ورا قلبى ولاول مره كنت بنافق معآكم
ارجو فى دى انكم تسامحونى فيها
عمرى ما اتخيلت فى يوم ان حب مصطفى كامل فى قلبى هيقل ولو ذره
بس ده اللى بصراحه حصل وبزياده بعد حلقه الوسط السياسى اللى مالوش دعوه بالفنى
بصراحه ندمت انى تعبت نفسى فى كاتبه اسئله وتجميع معلومات عن مصطفى مينفعش اغلط فيها
والحمد لله ما غلطتش واظن لو التقرير كان فيه حاجه غلط كان مصطفى قال
وكتبت ان البوم رحله عمرى حقق اعلى مبيعات فى الوطن العربى بقلب جامد
كمان كتبت ان اغنيه رله عمرى اخدت احسن اغنيه العام ده بس هما مقالوش
بكرر انا ندمان انى تعبت لناس مقدرتنيش ولا قدرت حتى تعبى وانا فى البدايه مطمعتش فى اى حاجه والمصحف
ولا حتى انه يعزم عليا انى اروح الحلقه او انه يدخلنى فى البرنامج مداخله
طبعا طولت عليكم اوى بس انا كتبت ده توضيح لحاجه حصلت منى ومعايا
وحآبب اقولكم يا جماعه خبر يمكن يفرح ناس ويزعل نس تانيين

انسوا اسم احنا كده فى منتديات مصطفى كامل تانى نهائيا واللى قدمته كفايه
انا من يوم ما النت دخل بيتى وانا ميهمنيش فيه الا مصطفى كامل والله العظيم
دلوقت مفيش مصطفى كامل يبقى مفيش نت فى بيتى
والحمد لله قدرت اطلع بناس محترمه زيكم وانا بفتخر بمعرفتى دى والله
عرفت ناس جدعه بجد واخوات واصحاب فعلا معايا ايميلاتهم وارقام تليفوناتهم
للاسف حتى ايميلى مش هفتحه الا كل اسبوع يوم واحد بس اكلم الناس اللى عزيزه عليا
الناس اللى معايا على الميل اظن معظمهم معايا تليفوناتهم ومعاهم تليفونى
والناس بقى اللى هتوحشنى بجد ويعز عليا فراقهم جدا لانهم ناس قمه اخلاق واحترام
لان للأسف الشديد مش هعرف اعرف اى حاجه عنهم الا اذا ارد ربنا
والناس دى والاقرب لقلبى واللى اعتبرتهم اخواتى فعلا
حبيبه مصطفى كامل
افضلى حبى مصطفى كامل وحببى الناس فيه وحافظى على نفسك وافضلى اكتبى كلام جميل عن مصطفى يهز القلوب
المشرف احمد
ياريت يا احمد تهتم بمنتداك اكتر من كده والغى العصبيه دى فى جنب احنا كلنا اخوات مهما كان
سومه عادل
استمرى فى احترامك لذاتك وحبك لاصحابك وهيفضل مصطفى كامل يهون عليكى الاحزان
ابو على مش حب وبس
برغم انه اخويا وحبيبى ومعايا ايكيله بس فتره جيشه يمكن تبعده عنى بس هقوله هتوحشنى يا اخويا
محمد عبد الفتاح
محمد صدقنى انت قيمتك اكتر من كده بعدد مشاركاتك لازم تكون اقوى من كده
خارج من حياتك وحكايتى انا
سبحان الله كأنكم واحد وبتلخبط بينكم ولقبكم منى الهاديان المحترمان
اطمن عليا
خالد انت حد نفسك تجتهد واتعب وان شاء الله هتوصل
امير الكلمه
شيكو حبيبى عارف انك انكسرت بس متأكد ان كل اللى بتقوله من ورا قلبك
الهارب
البنى آدم اللى تحبه بسرعه
mahmoud2002
emadabughazaleh
ملحقتش اعرفهم بس اكيد عشاق مصطفى محترمين
محمد كايد
الفلسطينى الاصيل اللى بيعشق مصطفى كامل
مش هتنسى
محمود حبيبى عشره قديمه ومن الناس المحترمين اوى
حبايبى واخواتى اللى معايا دايما ملك واخلاص وميار وطاش ومش وقت حلم وابو على ويحي وصاصا وحماده غزه
يارب ما اكونش نسيت حد واعذرونى دماغى ملبوخه
ويارب ما تنسونى ومتابع معاكم التوبيك ده لمده يومين
بعدهم مش هيكون احنا كده موجود على النت تانى
فى امان الله

قريب ولا بعيد هتفضل اخويه الغالي

واحنا بانتظارك دايما

خذ بالك من نفسك اوي

وافتكرنا زي ماحنا دايما هنفضل فاكرينك

اختك
الحنونه
اخلاص

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا حبيبيبي
خليك معنا ابوس ايديك خليك معنا
وحيات اغلى عندك خليك معنا

ايه اللى بتقوله يا نور ده طب ينفع تدخلنى المنتدى وبعد كده تطلع متشكرين يا عم

لا يانور متفكرش كدة انا عارفة انتا قد اية زعلان بس
ممكن ياجماعة نسيبة شوية يهدى اعصابة شوية
وهو يفكر وانا متأكدة انو هتكون معانا
شوفت كلنا عايزينك قد اية ياعم

لو هو عايز يغيب لفتره قصيره يريح فيها اكيد من حقه
واحنا منرضاش بتعبه بس يوعدنا بالرجوع من ثاني

حبيبي نور ابليز لا تمشى ابليز
نور لالالالالالالالالالالالالالالالالالالالا
نور لالالالالالالالالالالالالالالالالالالالالالا
نور لالالالالالالالالالالالالالالالالالالالالالالالالا
نور لالالالالالالالالالالالالالالالالالالالالالالالالا
نور لالالالالالالالالالالالالالالالالالالالالالالالالا
نور لالالالالالالالالالالالالالالالالالالالالالالالا
نور لالالالالالالالالالالالالالالالالالالالالالالا
نور لالالالالالالالالالالالالالالالالالالالالالا
نورلالالالالالالالالالالالالالالالالالالالالالالا
لا تمشى لا حبيبي الغالى لا ضل معنا

» قلبى مش انا .....وانا مش قلبى
» اين قلبى
» يا قلبى لأ
» يا قلبى
» خذ قلبى ما عاد لى فيه حاجه