مصطفى كامل يكرم الشهداء وتصريحه لفن اون لاين

نـــــــــور ان كنت بتقدر و بتحب مصطفى كامل قيراط
انا بقدر و بحترم و بحب مصطفى كامل 24 قيراط
هحكيلك بداية معرفتى بصوت مصطفى كامل والله الكلام ده حصل فعلا
فى يوم زارتنا بنت خالتى وكان معها شرطين اغانى وكان شريط منهم للمطرب مصطفى كامل
كنت انا فى الصف الاول الثانوى فى بداية الدراسة كده وقالتلى بتسمع اغانى يا محمد
قولتلها والله بسمع الاغانى اللى فى الراديو فى التليفزيون لكن عندى شرايط وكده لأ
ردت وقالت انا معايا شريطين خد اسمعهم وزى مازكرتلك كان منهم شريط لمصطفى كامل
والشريط الثانى عبارة عن كوكتيل شعبى المهم اخذت الشرايط وطلعت غرفتى وجبت الكاسيت جنبى
وقعت على مكتبى ازاكر ووضعت شريط مصطفى كامل وكانت المفاجأة شريط اقوى من الايام
واغانى الشريط انت حبيب العمر و اعز الحبايب و حرام و ايام وعدت وطبعا اقوى من الايام
وغيرها دا كله قبل ما اعرف عم قول يا رب وكانت مشهوره جدا وكنت بسمعها فى الشوارع
وانا راكب سيارة الاجرة وانا رايح المدرسة وغيرها من الاغانى لهذا المطرب ومكنتش اعرف
مين هوا اصلا المهم قعت يا معلم فى تلك الليلة اسمع الشريط وانا بزاكر
نسيت المزاكرة وانتبهت مع الصوت والكلام قصدى الروائع التى لم اسمع ليها من قبل
اقسم بالله عت الشريط اكثر من 10 او 15 مرة وكأنى بسمعه لأول مرة ونسيت الشريط الثانى والاهم مزاكرة دروسى
ومن يومها قولت لازم اتعرف اكثر على هذا المطرب والصوت الجميل خصوصا وانى ماكنتش متعلق بمطرب او مطربة
ولا كنت اعرف الجو ده خالص والمفاجأة كمان انى القى مكتوب على الشريط ان الاغانى كلها
كلمات الشاعر مصطفى كامل والحان بعض اغانى الشريط اتعلقت اكتر واتهوست اكتر واكتر
واعجبت اكتر انى الاقى المطرب كات لنفسه اغانيه طبعا قبل ما اعرف ان مصطفى كامل شاعر كبير
وانو كاتب لمعظم كبار المطربين فى الوطن العربى امثال هانى شاكر واغنية يارتنى خصوصا
وسلسلة اغانى محمد فؤاد الشهيرة وحمادة هلال الحب الحقيقى ودموع والقلب الطيب وكنت بسمعها فى الراديو كتير
ومن بعديها تانى يوم مباشرة اشتريت على الفلوس اللى كانت معايا شريطين للمطرب والشاعر مصطفى كامل
وتوالى تعلقى الشديد بـ مصطفى كامل يوم عن يوم
وهيا دى حكاية بداية معرفتى وتعلقى وحبى الى النجم الكبير اعــــــز الحبايـــب
اعز اعز الحبايب لقلبى فى الدنيا " مصطفى كامل "
,, طبعا اكيد يا نور انت وغيرك اللى هيقرؤ كلامى هتستغربو انا ليه حكيت وكتبت الكلام ده
والله انا نفسى مش عارف ودى حاجة ترجعلكو انتو بقى....


**********************
*****************
********

با النسبة لموضوع الصورة بقى والله الصورة دى انا لقيتها ع النت صدفة وكنت اول مرة اشوفها
وانت كتبت فى ردودك يا نــور ان الصورة مكررة معنى كدة انا موجودة فى المنتدى ودا مش صحيح
وانا بفرح لما بلاقى حاجة جديدة مش موجودة فى المنتدى بجبها واعملها موضوع جديد
والصورة فعلا كنت اول مرة اشوفها ويمكن كثير من محبى مصطفى كامل نفس الموقف
دا كان توضيح صغير وانا عمرى ما ازعل من احد بيحب العملاق مصطفى كامل
سلامـــــــــى ختامــــى الى احلى محبى مصطفى كامل
تحياتـــــــى ليــك يا " نــــــــــور "